Памочнік машыніста здзяйсняў абыход цягніка, калі ў адным з вагонаў сутыкнуўся з нецвярозым гамельчуком. Славесная сварка скончылася ўдарам у галаву. У дачыненні да нападніка ўзбуджаная крымінальная справа.
Інцыдэнт, па факце якога крымінальная справа была ўзбуджаная 12 чэрвеня, адбыўся 14 траўня ў дызель-цягніку, які рухаўся па маршруце Калінкавічы – Гомель.
Як паведамляе TUT.BY, маладога чалавека затрымалі яшчэ на вакзале ў Калінкавічах. Заплаціўшы штраф за знаходжанне ў грамадскім месцы ў п’яным выглядзе, 22-гадовы хлопец адправіўся на цягніку ў абласны цэнтр. На падазронага персанажа звярнуў увагу памочнік машыніста, які здзяйсняў абыход складу. Славесная сварка вылілася ў рукапрыкладства: нецвярозы гамельчук нанёс супрацоўніку чыгункі ўдар каленам у галаву.
Калі цягнік прыбыў у Гомель, маладога хулігана затрымала міліцыя, распавёў намеснік начальніка Гомельскага аддзела ўнутраных спраў на транспарце па ідэалагічнай працы і кадравым забеспячэнні падпалкоўнік міліцыі Віталь Цімафееў. Дзеянні маладога чалавека, у дачыненні да якога ўзбуджаная крымінальная справа, былі расцэненыя як хуліганства.