Праграма „Teraz Wrocław” запрашае да навучаньня ў Вроцлаве – без Карты паляка, без пасярэднікаў і непатрэбных выдаткаў. Мэта — запрашэньне абітурыентаў з Усходняй Эўропы да навучаньня ў вну Вроцлава. Праект зьяўляецца некамэрцыйным і ўсе паслугі бясплатныя.
Унівэрсытэты, якія ўдзельнічаюць у праграме:
— Вроцлаўскі ўнівэрсытэт;
— Вроцлаўская палітэхніка;
— Эканамічны ўнівэрсытэт Вроцлава;
— Вроцлаўскі ўнівэрсытэт прыродаўладкаваньня;
— Вышэйшая банкаўская школа Вроцлава.
Праграма прапаноўвае: бясплатнае навучаньне на праграме і кансультацыі па тэме паступленьня, больш за 150 бясплатных месцаў для кандыдатаў, якія ня маюць карту паляка, паступленьне па конкурсе, паступленьне на платнае навучаньне, спрошчаная працэдура паступленьня, без іспытаў (за выключэньнем некаторых спэцыяльнасьцяў), адаптацыйны курс перад пачаткам навучаньня.
Патрабаваньні да кандыдатаў:
— веданьне польскай мовы (мінімальны ўзровень В1);
— наяўнасьць атэстата аб поўнай сярэдняй адукацыі, для магістратуры – таксама і дыплём бакаляўра;
— адсутнасьць карты паляка.
Каб узяць удзел, неабходна зарэгістравацца на сайце праграмы, даслаць сканы неабходных дакумэнтаў, прайсьці сумоўе ў скайпе.
Рэгістрацыя даступная 6 траўня – 16 чэрвеня 2014 г.
Паводле adukacyja.info