Міністэрства аховы здароўя праверыла аб’екты харчавання і гандлю: больш за 80% парушаюць нормы.
Парушэнні санітарных нормаў захоўвання і рэалізацыі харчовых прадуктаў у Беларусі за студзень-май выяўлены на 83,2% правераных аб’ектах грамадскага харчавання і гандлю, паведамляе БЕЛТА са спасылкай на прэсавую службу Міністэрства аховы здароўя.
З 17581 абследаванага аб’екта парушэнні санітарных нормаў і правілаў выяўлены на 14641. Асноўнымі парушэннямі з’яўляюцца рэалізацыя прадукцыі, тэрмін прыдатнасці, невыкананне тэмпературнага рэжыму, незадавальняючы санітарны стан памяшканняў, гандлёвага і тэхналагічнага абсталявання, адсутнасць дакументаў, якія пацвярджаюць якасць і бяспеку прадуктаў.
Па выніках праверкі вынесена 8981 пастанова аб ужыванні адміністрацыйнага спагнання на агульную суму больш за Br13, 3 млрд, выдадзена 3825 прадпісанняў аб забароне рэалізацыі каля 128,5 т харчовай сыравіны і харчовых прадуктаў, 1586 прадпісанняў аб прыпыненні эксплуатацыі аб’ектаў, 7672 суб’ектам гаспадаркі выдадзены прадпісанні аб ліквідацыі выяўленых парушэнняў.