Эўрапейскі культурны фонд выдае гранты на праекты міжсэктарнага супрацоўніцтва, якія накіраваныя на фарміраваньне “грамадзкай прасторы”. 50 найбольш інавацыйных ідэяў, якія выбяруць арганізатары, будуць прадстаўленыя заяўнікамі ў 23-25 кастрычніка 2014 г. ў Марсэлі (Францыя).
Да удзелу запрашаюцца прыватныя асобы, калектывы ці арганізацыі, якія працуюць у сферы мастацтва ці культуры, а таксама ў іншых галінах і сэктарах грамадзтва – навуцы й адукацыі, экалёгіі, гандлі й прамысловасьці, сацыяльнай дапамозе й ахове здароўя. Арганізатары бяруць на сябе ўсе выдаткі, зьвязаныя з вандроўкай у Марсэль, для аднаго прадстаўніка кожнага праекта. Арганізатары запусьцілі # PublicSpaceis кампаніі ў інтэрнэце. 9 ліпеня з 12.00 да 13.00 можна будзе задаць пытаньні арганізатарам па адрасе # askECF праз Facebook ці Twitter. Апошні тэрмін падачы заявак: 15 ліпеня 2014 г. Больш інфармацыі – па спасылцы.
