З 13 верасьня па 16 лістапада 2014 г. пройдзе навучальны курс па рэпартэрскай фатаграфіі “Лаві момант”. Курс будзе складацца зь лекцыяў вядомых беларускіх фотарэпартэраў, практычных заняткаў пад іх кіраўніцтвам і адпрацоўкі здабытых навыкаў у рэальных умовах. Трэнэры курсу: Сяргей Грыц, Сяргей Балай, Тацяна Зянковіч.
Курс разьлічаны на тых, хто ўжо валодае фотакамэрай, але яшчэ не зьяўляецца прафэсійным фотарэпартэрам і мае жаданьне навучыцца здымаць навіны, рэпартажы й фотагісторыі.
Да ўдзелу запрашаюцца журналісты, студэнты факультэтаў журналістыкі ці выпуснікі школаў маладога журналіста, а таксама аматары зь Менску й рэгіёнаў, якія ўжо маюць досьвед абыходжаньня з фотакамэрай, але яшчэ ня сталі прафэсійнымі фотарэпартэрамі.
Каб парыняць удзел, неабходна праз эл. адрас [email protected] падаць заяўку з кароткім расповядам пра сябе (ня больш за 1 000 знакаў) і абгрунтаваньнем свайго жаданьня ўдзельнічаць у курсе. У тэме ліста пазначыць “Photo reporting”.
Лепшыя зь навучэнцаў па выніках курсу атрымаюць магчымасьць удзелу ў сэмінары за мяжой. Колькасьць удзельнікаў абмежаваная.
Заняткі будуць праводзіцца раз на тыдзень па суботах з 15.00 да 18.00.
Апошні тэрмін падачы заявак: 8 верасьня 2014 г.
Падрабязьней – па спасылцы.
Паводле baj.by
Читать полностью: http://auto.tut.by/news/video/412638.html
