На дыспансерным уліку ў сталіцы зараз больш за 40 тысяч хворых на алкагалізм.У цяперашні час праводзіцца капітальны рамонт некалькіх памяшканняў Мінскага гарадскога клінічнага наркалагічнага дыспансера (МГКНД), на пляцоўках якога да канца 2014 адкрыюць першае ў сталіцы рэанімацыйнае аддзяленне для хворых на алкагалізм, паведамляе minsknews са спасылкай на словы начальніка аддзела спецыялізаванай медыцынскай дапамогі камітэта па ахове здароўя Мінгарвыканкама Алены Рудковай.
– Аддзяленне на 6 месцаў размесціцца ў філіяле дыспансэра на вуліцы Тарханава, яно будзе працаваць кругласуткава, — удакладніла спецыяліст.
Як сказаў галоўны нарколаг Мінска Сяргей Малочка, з адкрыццём спецыялізаванага рэанімацыйнага аддзялення ў нейкай ступені паменшыцца нагрузка на звычайныя бальніцы, куды перыядычна дастаўляюць пацыентаў, пацярпелых у выніку злоўжывання спіртнымі напоямі. У той жа час праблема алкагалізму ў Беларусі, у тым ліку ў сталіцы, не губляе сваёй вастрыні. На дыспансерным уліку ў МГКНД знаходзяцца больш за 40 тыс. хворых на алкагалізм.