3 верасня ў Мінску ў Партызанскім раёне адкрылі Парк экстрэмальных відаў спорту. Адбылося гэта ў Дзень горада. Ва ўрачыстай цырымоніі паўдзельнічаў старшыня Мінгарвыканкама Андрэй Шорац.
Як адзначае БЕЛТА, Парк экстрэмальных відаў спорту — унікальны не толькі для Беларусі, але і для СНД. У ім — 7 пляцовак, на якіх можна гуляць у міні-футбол, стрытбол, там ёсць скейт-парк, паркур-гарадок, дзіцячая пляцоўка, пляцоўка, на якой могуць займацца спортам людзі з абмежаванымі магчымасцямі.
