Мужчыну ў алкагольнай коме вынялі з каналізацыйнага калодзежа ў Крычаве ратавальнікі.
Як паведамілі БЕЛТА ў Міністэрстве па надзвычайных сітуацыях, мясцовы жыхар 1960 года нараджэння 12 чэрвеня па неасцярожнасці зваліўся ў каналізацыйны калодзеж ля фізкультурна-аздараўленчага комплексу. Глыбіня калодзежа — 4 м, дыяметр — 1,5 м. Сам выбрацца ён не мог.
Калі пацярпелага выцягнулі з калодзежа з дапамогай ратавальнікаў, яго шпіталізавалі ў рэанімацыйнае аддзяленне ўстановы аховы здароўя ў стане сярэдняй ступені цяжкасці з папярэднім дыягназам «алкагольная кома».