Вайна на Данбасе для нашай краіны зусім не чужая. Прычым погляды беларусаў на сітуацыю на ўсходзе Украіны чарговы раз дэманструюць падзяленне нашага грамадства.
Для тых, каго вайна непасрэдна закранула ведаюць – што гэта галоўным чынам ахвяры ды гора. Гэтак жыхар Асіповічаў Сяргей Сцебіхаў з вайны на Данбасе вярнуўся ў труне – падарваўся на расцяжцы. Цела яго прывезлі з Украіны аднакласнікі.
Сяргей Сцебіхаў 15 красавіка адзначыў 40 гадоў. Жыхар Асіповічаў вырашыў прыняць удзел у канфлікце на Данбасе на баку баевікоў напачатку бягучага года. Паехаў, як кажуць яго бліжэйшыя паплечнікі, праз свае пераканні і жаданні адстойваць так званы «рускі мір».
Але відавочна, перадусім унутраныя матывы прымушаюць ахвотных браць зброю ў рукі і ваяваць на тым, ці іншым баку канфлікту. Праўда, з часам колькасць ахвяраў гэтага супрацьстаяння з моманту Майдану, павялічваецца.
