Пра пажар на тэрыторыі былога прадпрыемства «Эмальпосуд», дзе зараз ідзе будаўніцтва гіпермаркета, паведамілі ў прэс—службе абласнога ўпраўлення МНС.
Фота, відэа: з сацсетак
Напачатку другой гадзіны дня ратавальнікам паведамілі аб пажары на будоўлі па Рэчыцкім праспекце, да 13.41 узгаранне было ліквідавана чатырма пажарнымі. Як паведаміў прэс-сакратар абласнога ўпраўлення Руслан Габрылёў, абыйшлося без ахвяраў. Мужчына, які быў у той момант на будоўлі, самастойна пакінуў месца здарэння. Між тым, агонь знішчыў і пашкодзіў каля 500 квадратных метраў пенапалістырольных пліт, 50 трубак дахавага матэрыялу, а таксама ўцяпляльнік. Прычына здарэння высвятляецца.