Сябры«Нашай альтэрнатывы» сумесна з гомельскай краязнаўчай суполкі «Талака» зладзілі летнік і адправіліся на пошукі гістарычна-культурніцкіх скарбаў у Лоеўскі раён.
Цягам трохдзённай экспедыцыі валанцёры вандруюць па вёсках ды хутарах Лоеўшчыны, дзе сабіраюць відэа і фота матэ’ялы і ладзілі летнік.
Праскоўя Адамаўна, што жыве ля паўзакінутага Кашовага, апавядае пра лёс пры саветах: «Вазілі ў горад прадаваць сена, каб купіць крупы, хлеба. Адзежы шылі палатняныя, узімку – на печ, маці не выпускала з дому. З большасці, жыццё маё прайшло блага», — у свае 90 гадоў скардзіцца старая. Лічыць цяжкай сваю старасць. Не хавае, што дачка злоўжывае алкаголем.
Выразна старыя памятаюць і часы тэрору сталінізма – тут, вядома, таксама забіралі людзей, ламалі жыцці і растрэльвалі. Дзяцей вымушалі называць Сталіна «бацькай».
«Ноччу ідуць паліцаі – дай сала, дай яечкі, забіраюць, — узгадваюць жыхары. — Як ідуць партызаны – таксама ўсё просяць. Што праўда, тыя прымусам не бралі».
Увечары ля вогнішча для ўдзельнікаў экспедыцыі пад зорным небам праспяваў вядомы бард Андрэй Мельнікаў.