Вышэйшая школа журналістыкі Калюмбійскага ўнівэрсытэту прапануе стыпэндыю Спэнсэра для адукацыйнай журналістыкі, мэтай якой ёсьць падтрымка журналістыкі доўгіх формаў і спрыяньне разуменьню грамадзтвам амэрыканскай сыстэмы адукацыі.
Падчас конкурсу будуць абраныя 3 стажоры, якія цягам году будуць займацца акадэмічнымі дасьледаваньнямі ў Калюмбійскім унівэрсытэце, дзе яны атрымаюць практычныя парады экспэртаў у галіне адукацыйнай журналістыкі. Па заканчэньні стажыроўкі стыпэндыяты павінны будуць апублікаваць свае журналісцкія праекты.
Да ўдзелу запрашаюцца журналісты, работнікі асьветы й дасьледчыкі адукацыйнай палітыкі.
Каб прыняць удзел, неабходна падаць заяўку http://spencer.jrn.columbia.
Апошні тэрмін падачы заявак: 30 студзеня 2015 г.
Больш інфармацыі – па спасылцы.
Паводле baj.by
