Ва Ульянаўскай вобласці РФ пры крушэнні навучальнага самалёта загінуў грамадзянін Беларусі.
Аварыя адбылася раніцай у чацвер ля пасёлка Красны Гуляй. Па нявысвятленым прычынам лёгкаматорны вучэбна-трэніровачны самалёт DA-40 паваліўся на зямлю, загінулі інструктар і курсант, што знаходзіліся на борце, інфармуе Інтэрфакс са спасылкай на прэсавую службу абласнога ўрада.
«Як паведамляюць спецыялісты, студэнт, які знаходзіўся ў самалёце разам з інструктарам у момант аварыі, з’яўляецца грамадзянінам Рэспублікі Беларусь. Губернатар Сяргей Марозаў звязаўся з паслом гэтай дзяржавы і праінфармаваў яго аб трагедыі», — адзначылі ў прэс-службе.