Праграма РFP (Professional Fellows Program) дае магчымасьць маладым спэцыялістам зь Беларусі павысіць прафэсійны ўзровень і прайсьці стажыроўку ўвесну 2015 г. у амэрыканскіх арганізацыях, якія зьвязаныя з разьвіцьцём інавацыяў і прадпрымальніцтва.
Мэты праграмы РFP – фармараваньне інавацыйнай экасыстэмы ў Беларусі, наладжваньне партнэрскіх сувязяў паміж беларускімі й амэрыканскімі інавацыйнымі супольнасьцямі, абмен досьведам, знаёмства з амэрыканскай культурай.
Патрабаваньні да кандыдатаў:
– узрост 25-35 гадоў,
– пражываньне на тэрыторыі Беларусі,
– валоданьне ангельскай мовай (для камунікацыі),
– праца ў інфраструктуры падтрымкі інавацыяў (органы адміністрацыі, некамэрцыйныя арганізацыі, вышэйшыя навучальныя ўстановы, бізнэс-інкубатары, тэхнапаркі, інстытуты разьвіцьця, прыватныя кампаніі й г.д.),
– магчымасьць выкарыстоўваць атрыманы досьвед у разьвіцьці інавацыяў і прадпрымальніцтва.
Каб прыняць удзел у конкурсе, неабходна запоўніць анкету на сайце.
Апошні тэрмін падачы заявак: 1 сьнежня 2014 г.
За дадатковай інфармацыяй зьвяртайцеся да каардынатаркі праграмы Вольгі Івановай праз эл. адрас: [email protected].
Паводле by.odb-office.eu