23 снежня вясёлыя казачныя персанажы падарылі маленькім выхаванцам Гомельскага сацыяльна-педагагічнага цэнтра ў вёсцы Бярозкі, дабрачынную навагоднюю ёлку. Сустрэча з Дзедам Марозам , Снягурачкай, беларускамоўнымі казачнымі персанажамі , нечаканыя сюрпрызы і прыемныя падарункі чакалі малышоў. Клопатам і ўвагай у гэты дзень былі атулены дзеці-сіроты – пры жывых бацьках… якія з-за алкагольнай залежнасці пазбавілі сваіх уласных дзяцей – сям’і, усмешак . А часам і магчымасці добра харчавацца, цёпла спаць. памыцца па чалавечы і пацалаваць матулю і татулю нанач… Жыццё не заўсёды ўсміхалася гэтым дзецям, і арганізатары мерапрыемства, пастараліся зрабіць усё ад іх залежнае, каб сёлетняя сустрэча ля прыгажуні-ёлкі пакінула ў душы кожнага малыша добры след. Нездарма ж Свята Божага Нараджэння і Новы год называюць любімым дзіцячым святам! Напачатку святочнай праграмы хлопчыкі і дзяўчынкі паглядзелі навагодняе прадстаўленне, падрыхтаванае звычайнымі жыхарамі Гомеля якія каб падарыць дзецям Свята пераапрануліся у казачных герояў. Потым свята працягвалася ля навагодняй прыгажуні-ёлкі, дзе ў суправаджэнні казачных персанажаў, Святога Мікалая ,Снягурачкі Балотнага чорта і Лесавіка дзеці расказвалі вершы, вадзілі карагоды, гулялі у рухавыя гульні.
Адным з самых прыемных момантаў ранішніка для дзяцей стала атрыманне падарункаў якія прадставілі неабыякавыя жыхары Гомеля. Напрыканцы святочнай праграмы дзець станчылі разам з казачнымі героямі і праспявалі калядную песню “Звон звініць”.
PS. Сябры “Нашай Альтэрнатывы “ выказваюць шчырую падзяку жыхарам г Гомеля: Аляксею, Алене, Алесі, Анастасіі, Вользе Б і Вользе Л , Максіму і Таццяне – за дапамогу у арганізацыі Свята і Вашу працу, дзякуючы якой – свет становіцца лепшы!
Асабістая падзяка Спадару Андрэю, Уладзіміру і Кастусю, за салодкія пачастункі для дзетак.
