Заняткі “Мова дзяцей” прайшлі ў Светлагорску
У суботу 15 красавіка адбыліся выязныя заняткі “Мовы дзяцей”, што праходзяць у Гомелі другі год.
На імправізаваным уроку беларускай мовы прысутнічала 6 дзетак. Разам яны знаёміліся, гралі ў гульні, рабілі размінку, вывучалі назвы ягад, глядзелі мульцік. Кожны ўдзельнік атрымаў памятны кубачак з выявай эмблемы заняткаў “Мова дзяцей”.
Каардынатарка гуртка і старшыня Гомельскага ТБМ Алеся Аўласевіч дзеліцца:
Мы бачым, што такія заняткі зараз вельмі актуальныя. Гэта запатрабавана, таму што ў дзіцячых садках і школах бракуе беларускамоўнай адукацыі, але бацькі зацікаўлены ў тым, каб дзеткі з дзяцінства чулі дзве мовы, мелі магчымасць рэалізаваць сваё права на навучанне па-беларуску, былі білінгвамі ў сучаснай Беларусі, вучыліся разважаць на сур’ёзныя тэмы, што не дае сучасная адукпацыя.
Алеся Аўласевіч у мінулым годзе распрацавала метадычны дапаможнік па правядзенні заняткаў для дзетак, у Гомелі адбылося больш за 50 заняткаў.
