Абвешчаны конкурс праектных прапановаў “Падтрымка лякальных грамадзкіх ініцыятываў”. На конкурс прымаюцца прапановы, накіраваныя на вырашэньне сацыяльных праблемаў жыхароў пэўнага населенага пункту альбо прадстаўнікоў пэўнай сацыяльнай групы, а таксама на актывізацыю насельніцтва для рашэньня гэтых праблемаў. У першую чаргу будуць падтрымлівацца кампаніі, скіраваныя на працу з грамадзянамі, якія не заангажаваныя ў палітыцы й грамадзкіх арганізацыях.
Праекты павінны быць зрэалізаваныя ў перыяд з 1 лістапада 2014 г. да 30 студзеня 2015 г.
Прыярытэтныя накірункі: падтрымка сацыяльна-эканамічных правоў і інтарэсаў грамадзянаў; актывізацыя ўдзелу моладзі ў грамадзкіх арганізацыях; ахова навакольнага асяродзьдзя;
Да ўдзелу запрашаюцца грамадзкія актывісты.
Каб прыняць удзел, неабходна даслаць на эл. адрас [email protected] заяўку з наступнай інфармацыяй:
1. Назва праекту;
2. Назва ініцыятывы;
3. Тэлефон, эл. адрас;
4. Працягласьць праекту (праект мусіць быць скончаны да 30 студзеня 2015 г.);
5. Кароткае апісаньне праекту (ня больш за старонку);
6. Мэта праекту й мэтавая група;
7. Апісаньне дзейнасьці й плян мерапрыемстваў;
8. Бюджэт (да 600 даляраў);
Апошні тэрмін падачы заявак: 1 кастрычніка 2014 г.
Паводле adukacyja.info
