Прадстаўніцтва Міжнароднай арганізацыі франкамоўных краінаў пры ААН у Нью-Ёрку й Дэпартамэнт грамадзкай інфармацыі ААН абвяшчае конкурс малюнкаў і эсэяў “Уяві мір!”. Творы, пададзеныя на конкурс, мусяць адлюстроўваць каштоўнасьці міру ці тое, як культурная разнастайнасьць спрыяе ўмацаваньню міру. Працы, якія перамогуць у конкурсе, будуць апублікаваныя ў выглядзе кнігі.
Да ўдзелу ў конкурсе малюнкаў запрашаюцца дзеці ва ўзросьце ад 5 да 10 гадоў, у конкурсе эсэяў – маладыя людзі ва ўзросьце ад 11 да 18 гадоў.
Каб прыняць удзел, неабходна даслаць праз эл. адрас: [email protected] кантактную інфармацыю (імя, прозьвішча, дата нараджэньня, эл. адрас, краіна паходжаньня) і конкурсную працу (малюнкі – у фармаце PDF або JPEG, эсэі – у фармаце PDF або Word). Аб’ём эсэяў на французкай ці ангельскай мове ня мусіць перавышаць 800 словаў.
Апошні тэрмін падачы заявак: 31 жніўня 2015 г.
Імёны ляўрэатаў будуць абвешчаныя 21 верасьня 2015 г. у межах сьвяткаваньня Міжнароднага дня міру ў штаб-кватэры ААН у Нью-Ёрку.
Паводле by.odb-office.eu
