Гарадзенскі гурт «Дзецюкі» зняў кліп да песні «Лясныя браты» пра змагароў супраць бальшавікоў ды нацыстаў.
Кліп на песню “Лясныя браты” з альбома “Гарадзенскі гармідар” вырашылі здымаць у лясах пад Горадняй ля самай літоўскай мяжы, піша budzma. У якасці акцёраў выступіў гурт амаль у поўным складзе ў форме партызанаў 1940—1950-х гадоў. Як рэжысёр і аператар за справу ўзяўся Антон Цялежнікаў, вядомы сваімі дакументальнымі стужкамі “Беларускі супраціў” ды “Праклятыя і забытыя”, у якіх ідзецца пра невядомыя старонкі нацыянальнага супраціву падчас ды пасля Другой сусветнай вайны.