21-22 жніўня 2015 г. у Іарданіі пройдзе Глябальны форум па справах моладзі, міру й бясьпекі. Мэта форуму – дамовіцца аб адзінай канцэпцыі й дарожнай мапе супрацы з маладымі людзьмі ў прадухіленьні канфліктаў, процідзеяньні гвалтоўнаму экстрэмізму й усталяваньні трывалага міру.
Да ўдзелу запрашаюцца моладзевыя лідэры ад 15 да 35 гадоў, прадстаўнікі арганізацыяў, ініцыятываў, суполак, якія займаюцца пытаньнямі мірабудаўніцтва, зьмяньшэньня гвалту, барацьбы з экстрэмізмам. Удзельнікі мусяць валодаць адной з трох моваў: ангельскай, французкай, арабскай.
Каб прыняць удзел, неабходна запоўніць анляйн-заяўку.
Удзельнікі будуць адабраныя па крытэрах матывацыі й вопыту. Арганізатары забясьпечаць балянс у пляне ўзросту, полу, геаграфіі й разнастайнасьці сярод удзельнікаў.
Арганізатары кампэнсуюць выдаткі на падарожжа, візы й пражываньне.
Апошні тэрмін падачы заявак: 24 траўня 2015 г. (22.00 па Нью-Ёрку).
Больш інфармацыі – па спасылцы.
