Абмежаваць доступ да 12 «наркатычных» сайтаў вырашылі ў адпаведнасці з нормамі Ўказа Аб мерах па ўдасканаленні выкарыстання нацыянальнага сегмента сеткі Інтэрнэт.
«Названыя інтэрнэт-рэсурсы прапагандавалі спажыванне наркатычных сродкаў і псіхатропных рэчываў, а таксама ўтрымлівалі аб’явы аб іх незаконным продажы», — паведамляе прэсавая служба Генпракуратуры.
Цягам года Генпракуратура прапрацуе пытанні ўзмацнення адказнасці грамадзян за распаўсюд наркатычных сродкаў і псіхатропных рэчываў.
Нядаўна Вярхоўны суд таксама выступіў за ўзмацненне жорсткасці пакарання за распаўсюд наркотыкаў.
Намеснік старшыні Вярхоўнага суда Валер Калінковіч прапанаваў увесці пакаранне для асоб, якія вырабляюць наркотыкі ў лабараторыях, да 20 гадоў пазбаўлення волі.
Паводле інфармацыі Вярхоўнага суда, часцей за ўсё ў Беларусі прадаюць марыхуану, з ліку псіхатропаў — амфетамін і метамфетамін. У апошнія два гады сталі частымі выпадкі распаўсюджвання спайсаў.