Сталі вядомыя новыя падрабязнасці «піўных разборак» Лукашэнкі.
10 красавіка на нарадзе аб стане і перспектывах развіцця піваварнай галіны прэм’ер-міністр Міхаіл Мясніковіч звярнуўся да кіраўніка з просьбай аб прадастаўленні ААТ «Крыніца» крэдыту ў сувязі са складаным эканамічным становішчам прадпрыемства, перадае БелТА.
«Якая ў «Крыніцы» загружанасць па магутнасцях? 55%. Дык якія яму грошы даваць? У яго 45% вольных магутнасцяў! Хай вырабляе піва і прадае! Такія грошы ўвалілі ў вытворчасць, палова загружана, і дайце яму грошы на тое, каб крэдыты пагасіць! Ён тады 30 % магутнасцяў зойме, а не 55 %, і мы яго будзем на плячах везці», — заявіў Лукашэнка.
«Якая заробкавая плата ў дырэктара з прэміямі, надбаўкамі і іншым? 17 мільёнаў? Значыць, мусіць быць 1,7 мільёна! — сказаў ён. — У нас віцэ-прэм’ер атрымлівае такую зарплату! А прэм’ер прыйшоў у прэзідэнта грошы прасіць, ён не палічыў, колькі ў іх там лайдакі атрымліваюць! Навошта яму працаваць? Ён 17 мільёнаў атрымлівае зарплату, якая праца? Так гэта зарплата! А піва п’е бясплатна, есць бясплатна, на аўтамабілі бясплатна ездзіць. Што, не так? Дадайце яшчэ 20 мільёнаў — вось яго даход! А дзе аддача?»
«Ніякіх ільгот у гэтай сферы не будзе, ніякіх адтэрміновак, ніякіх адсоткаў! — падкрэсліў Лукашэнка. — У іх куча праблем, якія трэба вырашаць і якія павінны быць вырашаны, і праблемы арганізацыйныя, суб’ектыўнага характару. А цяпер, калі поўнае гультайства і бардак, вы што, ім яшчэ хочаце ільготы і грошы даць?!»