На базе папраўчых калоній у Магілёве і Наваполацку будуць створаны лячэбна-працоўныя прафілакторыі.
Гэта прадугледжвае падпісаны 28 мая ўказ Лукашэнкі № 242 «Аб удасканаленні дзейнасці крымінальна -выканаўчай сістэмы Міністэрства ўнутраных спраў».
Плануецца рэарганізацыя 35 папраўчых устаноў адкрытага тыпу: 21 ўстанова будзе далучана далучаць да 14 «больш перспектыўных» . Узбуйненне звязана з тым, што суды сталі радзей прызначаць у выглядзе пакарання абмежаванне волі з накіраваннем у папраўчыя ўстановы адкрытага тыпу.
Для максімальнай працоўнай занятасці асуджаных на тэрыторыі устаноў ўлічваецца размяшчэнне прамысловых і іншых аб’ектаў , прыдатных для працаўладкавання.
ЛПП — фактычна з’яўляюцца папраўчымі ўстановамі. Для таго каб патрапіць туды, досыць здзейсніць тры «правапарушэння» ў стане алкагольнага ап’янення. Рашэнне аб адпраўцы ў ЛПП прымае суд на падставе дадзеных, прадстаўленых участковым міліцыянерам. Перад Чэмпіянатам свету ў Мінску, па паведамленнях актывістаў апазіцыі і праваабаронцаў, у падобныя ўстановы былі накіраваныя сотні бяздомных жыхароў