Каманда сайта www.adukacyja.info запрашае прыняць удзел у семінары па адукацыйных магчымасцях для беларускай моладзі.
На семінары вы зможаце:
- даведацца пра адукацыйныя магчымасці для беларускай моладзі ў Беларусі і за мяжой;
- пачуць гісторыі аб уласным досведзе навучання ад таленавітых выпускнікоў розных праграм (Эразмус Мундус, «Карані і вершаліны» і інш.);
- паразважаць аб важнасці адукацыі і самаразвіцця ў пабудове ўласнай лесвіцы поспеху;
- прыняць удзел у розыгрышы стылёвых падарункаў ад Адукацыі;
- падзяліцца добрым настроем і натхніцца на ўласныя ідэі!
Калі вы плануеце наведаць сустрэчу, запоўніце, калі ласка, анкету.
Семінар адбудзецца 28 чэрвеня (cубота) а 12.00 у Гомелі ў бібліятэцы-філіяле №4 (вул. Багданава 24).
Уваход вольны.
Сустрэча будзе доўжыцца каля 2 гадзін з інтэрактыўнай прэзентацыяй і пытаннямі-адказамі.
Мерапрыемства ладзіцца пры падтрымцы гомельскага моладзевага рэсурса www.kli4nik.info.
