У інтэрнэце з’явілася відэа да песні славутага гомельскага барда Андрэя Мельнікава, якую аўтар прысвячаў 475-годдзю бітвы пад Воршай.
Андрэй Мельнікаў — заснавальнік бардаўскага фэсту «Аршанская бітва», які штогадова ладзіцца ў гонар знакамітай перамогі на рацэ Крапіўне войска ВКЛ на чале з гетманам Канстанцінам Астрожскім над амаль утрая пераўзыходзячым войскам Вялікага Княства Маскоўскага. 8 верасня з дня вялікай бітвы споўніцца 500 гадоў.