Вакалістка Вера арыгінальным чынам шыфруецца, абвяшчаючы кампазіцыі: “зараз прагучыць любімая песня прэзідэнта Манголіі” альбо “зараз будзе песня, якая ніколі не гучала ў мультсерыяле “Лёлік і Болік” і г. д. Аднак публіка добра ўспрымае з першых акордаў знаёмыя мелодыі і ўжо на песні трэцяй разварушваецца ды ідзе танчыць каля сцэны. А вышэйзгаданыя песні, якімі апынуліся “Ev Sistr” і “Herr Mannelig” адпаведна, гурт выконвае напрыканцы яшчэ і на біс.
На перапынку шмат хто ідзе набыць дыск гурта і паразмаўляць з музыкамі. Ці скарыстаўся хто пры гэтым парадай Веры “можаце на перапынку памацаць валыншчыка за яго валынку” – нам невядома.
Пасля другой часткі FRAM дзеліцца бліжэйшымі планамі выступаў у Беларусі – на фестывалі “Наш Грунвальд” у Дудутках і “Мсціслаўскім фэсце” ў Мсціславе, абменьваецца з публікай кампліментамі і абяцае яшчэ не аднойчы наведаць Гомель.
