Адзін з самых вядомых беларусаў сучаснасці, Барыс Кіт – вынаходнік паліва для Спэйс шатлаў, удзельнік амерыканскай праграмы па палёце на Месяц, прафесар шматлікіх універсітэтаў і лаўрэат многіх узнагарод. У любой іншай краіне ён бы жыў на Радзіме, у найлепшых умовах, бо сваёй велічынёй сусветнай праславіў Беларусь, праславіў уласным розумам і працай… Але Беларусі такія людзі не патрэбны – ў сённяшняй улады іншыя каштоўнасці і аўтарытэты: “Лінія Сталіна”, вуліцы Леніна і гісторыя з 1945. Барыс Кіт ім не патрэбны, бо ён сапраўдны Беларус, і не адрокся ад Беларусі, у тым ліку і ў нямецкім канцлагеры.
Гісторыя часам цікава віруе: сёння спадар Барыс жыве ў Нямеччыне… Каб выказаць шчырую падзяку Барысу Уладзіміравічу за працу на карысць Беларусі, дакрануцца да легенды, пачуць ягоны голас, прыйшлося праехаць не адну тысячу кіламетраў, але падарожжа гэтага каштавала.
Спадару Барысу ўжо 104 гады – варта наведаць…
Кастусь Жукоўскі, спецыяльна для ТВ
