У Расеі лідэрамі сярод непажаданых інтэрнэт-рэсурсаў, якія наведваюць дзеці, з’яўляюцца парнаграфічныя сайты (46,4 адсотка), а таксама сайты, прысвечаныя тэме зброі (26,4 адсотка). Пра гэта кажуць вынікі даследавання кампаніі «Лабараторыя Касперскага».
Напярэдадні міжнароднага дня абароны дзяцей спецыялісты прааналізавалі і параўналі паводзіны непаўналетніх карыстальнікаў у сеціве ў розных краінах свету. Склаўшы такую статыстыку па многіх краінах свету, эксперты выявілі некалькі прамых залежнасцяў «густаў» юных карыстальнікаў.
Інфармацыя для даследавання была атрымана з хмарнай інфраструктуры Kaspersky Security Network, якая прымае абязлічаныя дадзеныя ад карыстальнікаў хатніх прадуктаў «Лабараторыі Касперскага», якія далі сваю згоду на адпраўку падобнай інфармацыі. Для аналізу паводзін дзяцей у сеціве былі выкарыстаныя паведамлення ад модуля «Бацькоўскі кантроль», які вызначае катэгорыю анлайн-рэсурсу, да якога звяртаецца дзіця. Фокус быў зроблены на такія вельмі непажаданыя катэгорыі рэсурсаў для дзяцей, як парнаграфічныя сайты, старонкі з нецэнзурнай лаянкай, інфармацыяй пра наркотыкі, гвалт , зброю і т.п. Таму ў ходзе аналізу не ўлічваліся сацыяльныя сеткі, анлайн-крамы, электронная пошта і чаты, на якія прыходзіцца 30% ад агульнай колькасці спрацоўванняў «Бацькоўскага кантролю».
