Вёска Чарацянка знаходзіцца непадалёк ад мяжы з Украінай. Адна з асаблівасцяў вёскі — яе царква: гэта прыгожы, мураваны будынак 19 стагоддзя. Менавіта яна прыцягнула ўвагу актывістаў сваім станам: дах, муры, вокны — ўсё патрабуе рамонту, і менавіта з мэтай прыцягнення ўвагі магчымых фундатараў і была арганізавана “талака–вандроўка”. Да таго ж актывісты «Нашай альтэрнатывы» супольна з сябрамі іншых гомельскіх арганізацый планавалі прыбраць тэрыторыю вакол царквы, пафарбаваць агароджы, ды й шмат іншага. Большасць з планаванага ўдалося ажыццявіць, мясцовых жыхароў заклікалі паўплываць таксама. Ды і наогул выдатна было б звярнуць увагу як мага большай часткі грамадскасці, паколькі больш дапамогі чакаць няма адкуль.
Раніцай царква чакала нас, а “святар” — не, хоць і абяцаў адчыніць царкву, дапамагчы з начлегам і ўсім іншым. Ён практычна дабраславіў нас на працу і справы ў папярэдняй дамове, але забыў аб гэтым — на званкі не адказваў і сам не тэлефанаваў.
Актывісты падзяліліся на тры групы ў адпаведнасці з вызначаным планам і разыйшліся па вызначаных накірунках:
1-ы: прыборка тэрыторыі вакол царквы, фарбоўка агароджы.
2-і: распаўсюд інфармацыйных білютэняў з інфармацыяй аб стане з алкагалізацыяй у Беларусі і аб магчымым шляху вырашэння праблемы (+ гістарычная даведка).
3-і: збор аўдыа і відэаінфармацыі аб легендах вёскі (пра яе гісторыю і цікавыя з’явы, якія адбываліся ў вёсцы).
Негледзячы на кароткі, але моцны дождж, усё, што залежыла ад валантораў, было выканана. Толькі не здолелі трапіць у саму царкву — святар так і не з’явіўся, хаця мы, а таксама мясцовыя верніцы-бабулі чакалі яго.
Засталася толькі фотасесія, надыйшоў час паабедаць (ці павячэраць), бо было ўжо 16 гадзін. Час мінуў імгненна, і пад канец дня, дзякуючы фотасесіі і барду Андрэю Мельнікаву трохі ўдалося прыбраць асадак (ад таго, як нас сустрэлі ў вёсцы тыя, каму “болит душа за церковь”). Пакінем іх справы на волю Бога…
А датычна фотасесіі: здымкі прадстаўляем Вашай увазе.
Прыгожа? Дык ахвяруйма на рамонт!
Прыход Успення Прасвятой Багародзіцы Гомельскай епархіі Беларускай праваслаўнай Царквы, 247017, Гомельская вобласць, Гомельскі раён, в. Чарацянка, вул. Перамогі, 2
р/р 3015038175494 у ЦБУ № 305 філіяла № 302 ААТ «АСБ Беларусбанк», МФО 151501664, г. Гомель, вул. Барыкіна, 94 УНП 400226754
Уласная інфармацыя ТВ