Былы дырэктар кандытарскай фабрыкі «Слодыч» Таццяна Селіх прысуджаная да трох гадоў пазбаўлення волі з адбываннем пакарання ў калоніі агульнага рэжыму. Таксама яна не зможа займаць пасады, звязаныя з арганізацыйна-распарадчай дзейнасцю, на працягу пяці гадоў. Такое рашэнне вынес 26 мая суд Першамайскага раёна Мінска. Прысуд яшчэ можа быць абскарджаны.
Экс-дырэктара «Слодыч» судзілі за праслухоўванне тэлефонных размоў работнікаў прадпрыемства. У той жа час пытанне аб тым, навошта ёй гэта спатрэбілася, да гэтага часу застаецца адкрытым.
У ходзе судовага працэсу абвінавачаная заявіла, што хацела кантраляваць кіруючы склад на прадпрыемстве і такім чынам абараніць яго ад карупцыі. Аднак бок абвінавачвання настойваў на тым, што рабілася гэта, каб знайсці падставу звольніць некаторых супрацоўнікаў, перадае «Ежедневник».
Дзяржаўны абвінаваўца прасіў прызначыць Таццяне Селіх пакаранне ў выглядзе пазбаўлення волі на пяць гадоў, аднак суд улічыў тое, што абвінавачваных пакрыць прычыненую шкоду (202 млн рублёў за ўстаноўку новых тэлефонных апаратаў за сродкі прадпрыемства).