22 траўня у Гомелі адбудзецца сустрэча з пісьменнікам і журналістам Анатолем Бароўскім. Месца сустрэчы — вуліцы Палескай, 52 у 18.00. Уваход вольны.
Бароўскі – старшыня Гомельскай абласной арганізацыі Саюза беларускіх пісьменнікаў. Скончыў Мазырскі педінстытут. Працаваў у калгасе, на заводзе, настаўнічаў, двойчы служыў у войску – салдатам і лейтэнантам. Пятнацццаць гадоў працаваў уласным карэспандэнтам «Чырвонай змены» па Гомельскай і Берасцейскай абласцях.
Друкуецца з 1963 года. Аўтар кніг «Каліна пад акном», «Азірніся ў каханні», фантастычна-алегарычнай аповесці «Пякельны рай», аповесцей «Бронік- афганец», «Сцеражыся майго гневу», паэтычнага зборніка «З бліскавіцай заручуся», рамана-фантасмагорыі «Спакушэнне», кнігі публіцыстыкі «Цеплыня», «Чорны бусел – белы цень».