Кожны жыхар нашай краіны, старэйшы за 15 гадоў, выпівае за год у сярэднім 17,5 літра чыстага спірту
У сярэднім, беларускія мужчыны выпіваюць у год 27,5 літра чыстага спірту, жанчыны — 9,1 літра.
Гэта абсалютны сусветны рэкорд, піша «Хартыя’97» са спасылкай на прэсавую службу Сусветнай арганізацыі аховы здароўя.
Для параўнання, штогод на аднаго жыхара Зямлі, старэйшага за 15 гадоў, прыпадае 6,2 літра чыстага спірту. Не надта адстаюць ад беларусаў толькі малдаване і літоўцы, якія выпіваюць 16,8 літра і 15,4 літра ў год адпаведна. Грамадзяне Расіі апынуліся толькі на 4- м месцы — 15,1 літра спірту на чалавека.
Больш за ўсё на Зямлі людзі выпіваюць моцнага алкаголю — 50,1 %. На другім месцы па папулярнасці ідзе піва, на якое прыпадае 34,8 % спажывання, на трэцім — віно ( 8%).
Беларусы аддаюць перавагу моцным напоям: больш за 47 % спажытага алкаголю прыпадае на гарэлку і іншыя моцныя аналагі; 17% — піва; 5% — вінаграднае віно. Астатняе аднесена да катэгорыі «Іншыя». Хутчэй за ўсё, гэта так званае «бырла» ці пладова-ягадныя віна — больш за 31 %.