Прыгожая зямля беларуская – краіна палацаў і сярэднявечных рыцараў… Але гэта ўсё у мінулым. Нас «вызваліў» ад усяго гэтага ўсходні сусед з краіны, якой усяго 300 год. «Вызваліў» гвалтоўна і з карэннем. Былі часы, калі ад насельніцтва пасля «вызваленчых» паходаў з усходу жывымі заставаліся лічаныя адзінкі. Не пашкадавалі «вызваліцелі» і гістарычную спадчыну: ад рыцарства анічога не засталося, а ад тысяч шляхецкіх сядзіб і палацаў засталіся адзінкі…
Генадзь Шэпелеў пабудаваў сабе на лецішчы сапраўдны ПАЛАЦ з вежамі і сцягам.
Спадар Генадзь не ўдзельнічае ў палітычных гульнях і кампаніях. Не падстаўляе актывістаў пад рэпрэсіі. Ен ціха, без піяру, на асабістым прыкладзе будуе сваю Беларусь. А таксама пашырае кола носьбітаў беларушчыны праз арганізацыю культурніцкіх імпрэз, вечарын і экскурсій па памятных месцах Аршаншчыны.
