Фонд правоў чалавека і Нідэрландcкi Фонд рэгіянальнага партнёрства — Матра (НФРП — МАТРА) прапануюць гранты ў мэтах падтрымкі развіцця грамадзянскай супольнасці і дэмакратыі ў Беларусі. Памеры грантаў — не больш за 25 тыс. еўра. Амбасада Каралеўства Нідэрландаў пакідае за сабой права прысуджаць большыя сумы грантаў у выключных выпадках.
Удзел у конкурсе могуць узяць толькі няўрадавыя і некамерцыйныя арганізацыі, у тым ліку незалежныя СМІ.
Для таго, каб мець права на атрыманне грантаў «Матра», праекты мусяць спрыяць працэсу трансфармацыі Беларусі ў плюралістычную, дэмакратычную краіну, дапамагаючы стварыць больш моцную актыўную грамадзянскую супольнасць. Нідэрландcкi Фонд рэгіянальнага партнёрства — Матра падтрымлівае ініцыятывы, скіраваныя на:
- умацаванне вяршэнства закона;
- прасоўванне (папулярызацыю) грамадскага ўдзелу;
- умацаванне грамадзянскай актыўнасці;
- замацаванне здольнасці няўрадавых арганізацый уплываць на працэсы трансфармацыі;
- пашырэнне ролі інавацыйнай адукацыі ў актыўным грамадзянскiм грамадстве;
- змяненне стаўлення грамадства да правоў чалавека.
Мэтай Фонду правоў чалавека ёсць падтрымка ініцыятыў, якія спрыяюць ажыццяўленню асноўных свабод і абароны правоў груп людзей, якія могуць падвяргацца дыскрымінацыі. Амбасада Каралеўства Нідэрландаў будзе адбіраць на фінансаванне прапановы праектаў, скіраваныя на:
- абаронцаў правоў чалавека;
- роўныя правы для жанчын;
- роўныя правы для ЛГБТ;
- свабоду слова і Інтэрнэту, рэлігіі і перакананняў, друку;
- правы чалавека і развіццё;
- бiзнес i абарону правоў чалавека.
Тэрмін праектаў мусіць складаць 12 месяцаў. Праекты павінны ўлічваць мясцовыя патрэбы.
Выключна дабрачынныя дзейнасці — такія, як медыцынская дапамога ці ахвяраванні ежы, — не разглядаюцца ў якасці структурнага ўкладу у працэс рэформаў.
Больш падрабязна тут
