8 сакавіка, у 2-ю нядзелю Вялікага посту, дзень свяціцеля Рыгора Паламы, на прыходзе Архангела Міхаіла (Мінск, Сухарава, Янкоўскага 2) у храме блажэннай Ксенні Пецярбургскай адбылася Боская Літургія на беларускай мове. Гэта была першая служба ў гэтым прыходзе, якая ладзілася на беларускай мове. Адбывалася яна з дабраславення Мітрапаліта Мінскага і Заслаўскага Паўла, паведамляе “Минск сегодня“
Як адзначыў айцец Аляксандр Шрамко, беларускамоўныя літургіі на гэтым прыходзе будуць адбывацца і надалей, а менавіта кожную другую нядзелю месяца.
Перад пачаткам літургіі ўсім вернікам раздаваліся адмыслоўныя паперкі з асноўнымі малітвамі – Сімвалам Веры і Малітвай Гасподня (Ойча наш) – на беларускай мове. Усяго першую беларускамоўную літургію наведала каля 100 чалавек. Па словах святара, было вялікай прыемнасцю, што шмат людзей сёння наведала храм.
